ချစ်သူဆိုတာ

တစ်ခါတစ်လေမှာချစ်သူပေးတဲ့
အကြင်နာတရားတွေကြောင့်
ငါ့ရင်ခွင်ထဲနွေးထွေးခဲ့ရတယ်။
တစ်ခါတစ်လေမှာတော့ချစ်သူပြောတဲ့
ချစ်စကားလေးတွေကြောင့်
နှလုံးသားအစုံမှာလှိုက်ဖိုခဲ့ရတယ်။
တစ်ခါတစ်လေကျပြန်တော့ချစ်သူပေးတဲ့
အကြင်နာအနမ်းလေးတွေကို
ငတ်မွတ်စွာနမ်းရှိုက်နေခဲ့တယ်။
တစ်ခါတစ်လေချစ်သူပြောတဲ့
စကားလေးတွေကြောင့်
ဝမ်းနည်းဝမ်းသာခံစားရတယ်။
တစ်ခါတစ်လေကျပြန်တော့ချစ်သူက
ဥပေက္ခာတရားနဲ့ ပစ်ထားတော့
ဝမ်းနည်းတဲ့စိတ်အစဉ်နဲ့ 
စိတ်မကောင်းဖြစ်မိတယ်။
ဘာပဲပြောပြောချစ်သူဆိုတာ
ငါ့အတွက်တော့............
ငါ့ရင်ကိုအေးမြစေခဲ့
ငွေစန္ဒာလမင်းပါ။

မိုင်းချစ်တား

ချစ်နေမယ် အဆုံးတစ်သက်

ပူဆွေး ဒုက္ခ
ခြောက်သွေ့အသည်း
မစိမ်းလန်းသော်
ချစ်နေမြဲ
အမြဲနင်ရှိ ငါ့အတွေးထဲ
တရံတစ်ခါမှမမေ့
စိုးမိုးအချိန်တိုင်း
မပြောင်းလဲနိုင် တခြားလူ
ပြိုပါစေ ကောင်းကင်
ကွဲပါစေ မြေကြီး
ခမ်းသွားပါစေ သမုဒ္ဒရာ
ငါမသေသရွေ့
ငါ့ဘ၀နဲ့ရင်း
ပုံကာပေးဆပ်
နင် ပြန်ချစ်ချစ် မချစ်ချစ်
ငါချစ်နေမှာ အဆုံးတစ်သက်. . . ။ ။

မိုင်းချစ်တား